گؤزلریمده یاش دا دوندو گلمدین
گؤزوم اوسته قاش دا دوندو گلمدین
گونش ایدین ایشیقینی كسه ندن
باهار، پاییز ، قیش دا دوندو گلمدین
آرخانجا سوروندو جانسیز دیزلریم
قانا دؤندو آغلاماقدان ایزلریم
دولوب بوشالدیقجا آغلار گؤزلریم
دولو دوندو ، بوش دا دوندو گلمدین
بیر آه چكدیم سسیم دوشدو داغلارا
نفسیمدن خزان دوشدو باغلارا
اوز دؤندردیم قارالارا آغ لارا
دره ، تپه ، دؤش ده دوندو گلمدین
یازی بؤلومو :
منیم شعرلریم،
:
ایلگیلی باغلانتی‌لار :
