اوشوینده جیسمیم
تیتره‌ینده دوداق‌لاریم
سویوقدان
سیندیم قانادلارین آلتینا
ایسیندیم ایستی نفسیندن
بالام دئینده منه
قانادلانیردیم گؤی‌لره
قانادسیزجاسینا
اوركله‌نیردیم اوچماغا
قاچماغا
قاناد آچماغا
جیگر پارام دئینده آنام منه
گوجله‌نیردی آیاق‌لاریم،
دیزلریم
داغلاری، داش‌لاری آیاقلاییب
زیروه‌لره قالخماغا
جوشوردو ال - آیاغیمدا اوچونان
روح
قئرت دولوردو اوره‌ییمه،
فیكریمه
اوولاماق ایسته‌ییردیم بیر
اووچو كیمی
هر نه‌یه چاتیردی گوجوم
.
.
.
آما ندنسه،
اوزون سورمك ایسته‌مه‌دی
بو حیس‌لری یاشاماق
سیندیرماق ایسته‌دیلر قانادلاریمی
قیرماق ایسته‌دیلر قول‌لاریمی،
ال‌لریمی، آیاق‌لاریمی
اوشوتمك ایسته‌دیلر اوره‌ییمده
چیرپینان دویغولاریمی
.
.
.
آلدیلار سیلاحیمی
گوجدن دوشدوم
سیندیم
یا دا
سینماغی دویدوم.....
نه ایسه...
سیلاحیم نه ایدی مگر؟
آنامدان آلمیشدیم اونو!
آنامین دیلیندن!
دیللنمك ایدی سیلاحیم
آنا دیلیم ایدی سیلاحیم
یازی بؤلومو :
منیم شعرلریم،
:
ایلگیلی باغلانتی‌لار :
