yorğun - یورغون yorulmuşam yorğunam وئبلاق حاققیندا بو وئبلاگ شخصی بیر وئبلاگ اولاراق ادبیات، تاریخ، سیاست و باشقا قونولاردا یازیلار یازیلاجاق. باخیشلارینیزی و هابئله اؤنریلرینیزی بیزدن اسیرگهمهیین یازیلاری یاخشی گؤرونوش ایله گؤرمك اوچون B Mitra فونتونو بورادان ائندیریب و بیلگیسایارینیزدا یئرلشدیرین http://yorqun.arzublog.com/uploads/yorqun/BMITRA.rar وئبلاق باشقانی : احمد قرباني سون یازی لار
وئبلاق آرشیوی چهارشنبه 12 آذر 1393 :: یازار : احمد قرباني
گئت- گئده بوتون ثانیهلریمه چؤكدون اتك دئمهدین، ذیروه دئمهدین داغ دئمهدین، داش دئمهدین ... بوتون وارلیغیمی چولغادین سن ائی فیكریمین آتموسفئرینده گزیشن دومان!
سن هر نهیی باشلامادان اؤنجه توتدوغوم نییّت ! و هر نهیی
بیتیردیكدن سونرا اوخودوغوم ذكر !
سن بوتون سؤزجوكلریمین اؤن اكی ده اولدون سون اكی ده !!!
و سن ...
گئت- گئده منیم خیالیمدا تانریلاشیرسان!!!
« احمد قربانی» یازی بؤلومو : منیم شعرلریم، : ایلگیلی باغلانتیلار : پنجشنبه 3 بهمن 1392 :: یازار : احمد قرباني
روس شاعیری »میكائیل لرمانتوو« چئچئن خالقی و
چئچئن دویوشچولری حاققیندا بئله بیر شعر یازمیشدیر: نه وحشیدیر بو وادیلرین عسگرلری اونلارین تانریلاری
اؤزگورلوك یاسالاری ساواشدیر اورادا دوشمانی یوخ
ائتمك سوچ دئییل! دوستلوقلار اورادا
گئرچكدیر آما داها دا گئرچهیی «انتقام»دیر اورادا یاخشیلیق،
یاخشیلیقلا قان ایسه قانلا
قارشیلیق وئریلیر و نیفرت ده سئوگی كیمی عؤمورلوكدور یازی بؤلومو : منیم شعرلریم، : ایلگیلی باغلانتیلار : چهارشنبه 2 بهمن 1392 :: یازار : احمد قرباني
سنی سسلهیهجم اوزاقلارا باخاجاغام و آل قیرمیزی بویاسیندا آختاراجاغام سنی! گونشین باتان چاغلاریندا سنی سسلهییب آیاق ایزلرینین آردیجا اوفوقلاری گزهجهیم و سنی تاپاجاغام یالنیز بیر آنلیق الیمدن توتوب؛ منی گؤیلره آپارماغین اوچون اوندا گؤزلریم اولدوزلارین سلامینا عؤمورلوك گولهجك! چئویرن : یورغون یازی بؤلومو : منیم شعرلریم، : ایلگیلی باغلانتیلار : سه شنبه 1 بهمن 1392 :: یازار : احمد قرباني
دویغولاریمین جوشغون چاغیندا، یازی بؤلومو : منیم شعرلریم، : ایلگیلی باغلانتیلار : چهارشنبه 29 آبان 1392 :: یازار : احمد قرباني
قاناد آچماغا
. . یازی بؤلومو : منیم شعرلریم، : ایلگیلی باغلانتیلار : یکشنبه 19 خرداد 1392 :: یازار : احمد قرباني
یئنه آغلار گؤزومون یاشلاری آخمیش اوزه ساری یئنه قلبیم توتولوب قملی بولوت تك یاغاجاقدیر یئنه آخشام اولاراق من گونه باخماق دا ، گؤزوم یولدادیر آنجاق یئنه ظولمت گئجهلر سنسیز اولوب ایش منه زاری ******* یئنه سنسیز یازیرام آیریلیغین شئعرین هر آخشام یئنه اولدوز سایاراق هر گئجه سنسیز سحر اولدو یئنه یاتمیش گئجهلر سنسیز آخار سئل- سو گؤزوم دن یئنه گؤزدن یاش آخار یاسدیغیم ایسلاندی بوشالدی ******* یئنه سنسیز دؤزورم هر نه فراقه گؤرهسن بیر نفس آیا گلهجك گؤزلریمه بیر ده ایشیقلیق؟ یئنه آخشاملار اوتوررام چكرم عكسینی هر یاپراغین اوسته باخارام گؤرمهرم اما ، گؤزومون نورو قوتارمیش ****** بئله هیجران اودونا سالدی منی هانسی فلك؟ بیلمیرم!!! ، آیا؟ گؤرهسن بیر ده نجات تاپماق اولار عشقین اودوندان؟ گؤرهسن بیر ده اولار گؤزلرینین عكسینه باخسام؟ اومودوم یوخدور، قارانلیق دا گؤزوم كور قوشا بنزر یازی بؤلومو : منیم شعرلریم، : ایلگیلی باغلانتیلار : سه شنبه 12 دی 1391 :: یازار : احمد قرباني
من بو دیلده دانیشاجاغام بیر بولبول اولوب ،زیروهلردن درهلره ، درهلردن زیروهلره چیخاجاغام بو كولدان او كولا بو آغاجدان او آغاجا بو تایدان او تایا اوچاجاغام قانادلانیب گؤیلرده اوچاركن چایلارین آخارینی گؤروب كئچركن بولاقلارین سویونو دادیب ایچركن بو اوبادان او اوبایا ، بو ائیواندان او ائیوانا كؤچركن گؤروب گؤتوردوكلریمی اوخشاییب اوخویاجاغام
من طبیعت نغمهسی ایله باریشاجاغام من طبیعت نغمهسی ایله یاریشاجاغام طبیعت نغمهسینه اویاركن ، طبیعته قاریشاجاغام اینان آی دیلیم ، سنینلهیم من سنینله ، سندن سنه دانیشاجاغام من بو ابدیت ماهنیسینی ، سنده و سنینله اوخویاجاغام من كؤرپه اوشاقلارین اینقیلتیسینی كؤرپه قوُزولارین ملشمهسینی كؤرپه قوشلارین جوكگولتوسونو و داها باشقا باشقا كؤرپهلرین آغلاییب گولمهسینی سنده ائشیدیب ، اونلاری سنین الینله اورهییمین یارالارینا درمان ائدیب ، اورهییمی ساغلایاجاغام كؤنلومون جوشان چاغلاریندا اورك ائویمین آلیشان چاغلاریندا سنی آیدین سولار كیمی اورك دنیزیمه دولدوروب ، اودلاریمی سوندورهجهیم
سنده چوخلاری چوخ دانیشدی سنینله چوخلاری ابدییّته قاریشدی "بابك"ین گؤودهسی دوغرانینجا ، اورهیی داغلانینجا "نسیمی"نین دریسی سویولونجا "آلی"نین گؤزلری اویولونجا ستارین گولله یئری سویویونجا، ابدی اوُیونجا چوخلاری دوغولونجا ، چوخلاری قوووُلوُنجا ، چوخلاری ایسه بوغوُلونجا سنینله سنده دانیشدیلار دیلیم! سنینله سنده دوغولانلار، دوغولدولار سنینله ، سنده ، سنین اوچون بوغولانلار ایسه، بوغولمادیلار دیلیم ! بالاجا قارا بالیق كیمی ابدیت گؤلونده اوزمهیه باشلادیلار دیلیم! حیدربابا كیمی گؤیلری یئرلری توتوب ، داغلاردان داشلاردان باج آلدیلار دیلیم! سنین بولبوللرین اؤلمز سنین گوللرین سولماز اونلار سنسیز قالمازلار سن عومورلوكسن سه ، سنینله ، سنده قونوشانلار اؤلمز ، دیلیم ‼ سن اؤلمزسن سن یئرلی یوردلو اولدوغونا گؤره اؤلمزسن سن اؤزگورسن ، باغیمسیزسان اؤزگورلر اؤلمزلر دیلیم ‼ ابدیت ایستهینلر سنی گزیرلر ، سنی آختاریرلار ایستهمهینلر ایسه ، اؤزگه دیلینده بانلاییرلار
ایستهینلر ابدی اولاراق عومور سورورلر
ایستهمهینلر ایسه ، قوُدوُروُبان هورورلر ، هوردوكجه چورویورلر ابدیت قوشلاری سنی اونودمازلار من ایسه بو قوشلارا قوشولوب ، سنینله قوشا قاریاجاغام سنی دانمایاجاغام ، دانیشاجاغام بیر قوش كیمی بوداقلارینا قوناركن قونوشاجاغام ، دیلیم ‼ (Əhmad Qurbani-Yorğun – 1391/10/7(2012/12/27 یازی بؤلومو : منیم شعرلریم، : ایلگیلی باغلانتیلار : قونولار گوندهلیک باغلانتیلار
باغلانتیلار
باشقا یارپاقلار سایغاج
|
||