yorğun - یورغون yorulmuşam yorğunam وئبلاق حاققیندا بو وئبلاگ شخصی بیر وئبلاگ اولاراق ادبیات، تاریخ، سیاست و باشقا قونولاردا یازیلار یازیلاجاق. باخیشلارینیزی و هابئله اؤنریلرینیزی بیزدن اسیرگهمهیین یازیلاری یاخشی گؤرونوش ایله گؤرمك اوچون B Mitra فونتونو بورادان ائندیریب و بیلگیسایارینیزدا یئرلشدیرین http://yorqun.arzublog.com/uploads/yorqun/BMITRA.rar وئبلاق باشقانی : احمد قرباني سون یازی لار
وئبلاق آرشیوی یکشنبه 19 خرداد 1392 :: یازار : احمد قرباني
یئنه آغلار گؤزومون یاشلاری آخمیش اوزه ساری یئنه قلبیم توتولوب قملی بولوت تك یاغاجاقدیر یئنه آخشام اولاراق من گونه باخماق دا ، گؤزوم یولدادیر آنجاق یئنه ظولمت گئجهلر سنسیز اولوب ایش منه زاری ******* یئنه سنسیز یازیرام آیریلیغین شئعرین هر آخشام یئنه اولدوز سایاراق هر گئجه سنسیز سحر اولدو یئنه یاتمیش گئجهلر سنسیز آخار سئل- سو گؤزوم دن یئنه گؤزدن یاش آخار یاسدیغیم ایسلاندی بوشالدی ******* یئنه سنسیز دؤزورم هر نه فراقه گؤرهسن بیر نفس آیا گلهجك گؤزلریمه بیر ده ایشیقلیق؟ یئنه آخشاملار اوتوررام چكرم عكسینی هر یاپراغین اوسته باخارام گؤرمهرم اما ، گؤزومون نورو قوتارمیش ****** بئله هیجران اودونا سالدی منی هانسی فلك؟ بیلمیرم!!! ، آیا؟ گؤرهسن بیر ده نجات تاپماق اولار عشقین اودوندان؟ گؤرهسن بیر ده اولار گؤزلرینین عكسینه باخسام؟ اومودوم یوخدور، قارانلیق دا گؤزوم كور قوشا بنزر یازی بؤلومو : منیم شعرلریم، : ایلگیلی باغلانتیلار : پنجشنبه 16 خرداد 1392 :: یازار : احمد قرباني
بیر گون دوستلارین بیر نئچهسی ایله اوتاق دا اوتورموشدوق. صحبت یئنه ده سیاست و اقتصاد دان گئدیردی. البته چوخ دا جدی توتمایین. بئلنچی سؤز و صؤحبتلرین باش-قولاغین بیر یئره ییغسان باش دا ایكی– اوچ سؤز(جومله) دن آرتیق دیرلی بیر شئی الده ائده بیلمهسینیز. آنجاق سؤز گلیب بورا چاتمیشدیر كی؛ گؤرهسن توپلوم دا اولان بو قدر ایشسیزلیك(بی كاری) ایله بیزیم هر نه دن ال چكیب و گلیب بوردا (تبریز ده ) درس اوخوماغیمیزین بیزه بیر قازانجی(نفع و منفعت) وارمی؟ یوخسا یوخ؟ آخی ایندی درس اوخویانلار دا بئله اؤیرنیب و بیلمك آماجی ایله درس اوخومورلار بلكه ایش تاپماق و پول پارا قازانماق آماجی ایله درس اوخویورلار. طبیعتا بیر سیرا یولداشلارین باخیشیندان بو ایش قازانجلی و بیر سیرانین باخیشیندان ایسه قازانجسیز و یئرسیز ایدی. هر حال دا بو صؤحبتلرین آردیندا من اؤز یولداشلاریما بئله بیر داستان سؤیلهدیم: منیم بیر خالااوغلو واریم كی من دن ده دوز ایكی یاش بؤیوكدور. او 9 (دوققوز) كیلاس درس اوخویاندان سونرا درس اوخوماغی بوراخیب، بنا یانیندا ایشلهمهیه باشلادی. ایندی ایسه ائولهنیب و بیر اوغلو دا وار. اقتصاد دورومو بیر او قدر یاخشی اولماسادا پیس یاخشی حیات سورو و منیم كیمی علاف (اللاف؟!!!) دئییل. سونرا یئنه دئدیم كی : منیم 10-ونجو صینیف ده ( اول راهنمایی ده ) بیر صینیفداشیم وار ایدی. بو اوغلان ائله بو كیلاسی بیتیریب-بیتیرمهمیش دن درس اوخوماغی بوراخیب ایشلهمهیه باشلادی. الحمد لله ایندی ایشی و آراباسی(ماشینی) وار؛ اؤزو ده ائولهنیب، بیر قیزیین دا آتاسیدیر. بولاردان سونرا بئله دئدیم كی: منده هله كی هله دیر یئییب ایچیب یاتمیرام (درس اوخویورام!!!) اؤزوم ده جیبخرجیمی آتام دان آلیرام. دار دونیادا بیر كیربیتچؤپو (كیبریتچؤپو) ده یوخومدور. اونون یئرینه آلله جانیما دیمهسه بو ایل قورتاران دان سونرا مدرك دئییلن بیر كاغیز (كاغذ) پارچاسی وئرهجكلر منه. ائله بو حال دا جمع ده اولان یولداشلارین بیری مندن بو سورغونو(سووالی) سوردو(سوروشدو) كی: ایندی سن اؤز مدركینی(مدركیوی) او صینیفداشینین(صینیفداشیوین) ایشی ایله دییشرسنمی؟ سؤزون دوزون آختارسانیز بوردا بیر آز قیرپاچ(هنگ) ائلهدیم. بو سورغو دوغرودان دا چتین سورغو ایدی و منی بیر آز دوشوندوردو (فیكر ائتمهیه مجبور ائلهدی). بیرآز سوسوب فیكیرلهشندن سونرا ، بو دؤرد ایل بیلیمیوردو دا كئچن گونلریمی و او گونلرله برابر یاشادیغیم خاطیرهلری بیر آن خاطیرلاییب، بئله بیر جاواب وئردیم: منیم مدركیم تكجه ایش تاپماق و پول قازانیب قارین دویورماق وسیلهسی اولسا ، اونو بیر آن فیكیرلشمهدن بئلنچی بیر ایش ایله دییشهرم. آما همن (هامان) بو مدركی الده ائدینجه قازاندیغیم باشاریلار (تجربهلر) ، اؤیرندیگیم یئنی دوشونجهلر، تانیش اولدوغوم یئنی اینسانلار، قازاندیغیم یئنی یولداشلار، گئجهلر چكدیییم یوخوسوزلوقلار، اوخودوغوم كیتابلار، الده ائتدیییم جورأت و جسارت و اوتانمامازلیقلار و .... نئجه اولسون بس؟ من مدركیمی دَییشسَم ده بو دؤرد ایل ده قازاندیقلاریم دییشیلمیر . اونلار ابدی اولاراق منیم قافام دا قالیب و منیم حیاتیم بویو قارانلیقلار دا چیراغیم و چتینلیكلر ده دایاغیم اولاجاقلار. اوست-اوسته اینسانین كیملیگینین (هؤویتینین) بیر بؤلومو ذاتی اولسادا بیر بؤلومو قازانمالی(اكتسابی) دیر. منیم ده بو نئچه ایل ده (تكجه دؤرد ایل بیلیمیوردو دا یوخ!!!) قازاندیغیم معنوی ثیروتلر منیم كیملیگیمین آیریلماز بیر پارچاسی اولوبلار. ایندی من اونلارسیز یاشایا بیلمهرم. اما . . . آنجاق نئجه كی سیز ده هزیر (حدس) ووروبسونوز( وورموسونوز) ، منیم ده جاوابیم بو سورغویا (مدرك ایله ایشین دییشمهسینه) "یوخ" ایدی. ایندی ... سیز منیم یئریمه اولسایدینیز ، بو سورغویا نه جاواب وئرردینیز؟ یازی بؤلومو : داغدان باغدان، : ایلگیلی باغلانتیلار : قونولار گوندهلیک باغلانتیلار
باغلانتیلار
باشقا یارپاقلار سایغاج
|
||