گؤزل لرین گؤزلی سن گولوسن
اینجه اینجه گؤزل گؤزل ، گول ، گؤزل
سن گولنده قاناد آچیب اوچورام
من بولبولم سن بیر گؤزل گول، گؤزل
یای كیمی قاشیندا ، گؤزل گؤزونده
اینجه گولوشونده ، شیرین سؤزونده
گونش باخیشیندا ، آی تك اوزونده
یاشاییرام نئچه یوز مین ایل، گؤزل
باخیشیندان اؤلولرده دیریلدی
كیپریگین اوخ اولوب كؤنلومو دلدی
سن سیز هر بیر گئجه م نئچه مین ایلدی
سن لی گونلریمی اؤزون بیل ، گؤزل
سن سیز عؤمروم گونوم یالان دیر یالان
سن سن بو دونیادا من اوچون قالان
سن سیز باغچام باغیم تالان دیر تالان
سنین له اورگیم آچیر دیل ، گؤزل
یازی بؤلومو :
منیم شعرلریم،
:
ایلگیلی باغلانتی‌لار :
