كؤكسومدهكی اورهیی
سنه تاپشیریرام
اؤزون بیل
آتیرسان آت
توتورسان توت
ساتیرسان سات
اوچونه ده راضییام
آنجاق یولداشلیق خاطرینه
یولداشینین بو ایستهیین
اونودما
آتسان؛ ایت آغزینا آت
سنی قاپماسین
ساتسان؛ اؤز قیمتینه سات
خرجین باتماسین
ساخلاسان؛
بونو بیلمهلیسن
بو اورك آینا كیمیدیر
نه جور باخسان
اؤزونو او جور ده گؤرهجكسن
یاخشی دا گؤرسن اؤزونسن
یامان دا گؤرسن اؤزونسن
تكجه داشا وورما بو
آینانی!
من اورهییمین
سینماغیندان قورخمورام
بوندان قورخورام كی!
سینیق آینادا
اؤزونو سینیق گؤرهسن!
عاصم اردبیللی
یازی بؤلومو :
آذربایجان ادبیاتی،
:
ایلگیلی باغلانتیلار :