لای لای دیلی

یابانجی تك  بوز بوز   باخمایین  منه

من سیزین ان شیرین لای لای دیلیزم

چیینیزدن  آسلانان حسرت  شله‌‌سی

آغزیزدا    چئنه‌نن     سوز    نیسگیلیزم

من  سیزین وارلیغیز  سیزین  شرفیز

من  كی  یاد   دئییلم    تانیشام    سیزه

من  اوخشاما  دیلی  سئوگی  دیلی‌یم

ایسترم   سوسمایام    دانیشام    سیزه

فیشقیراقچی فارسی فیسقیدین گئده

اؤز    دیلیزده    یازیب    دانیشمالی‌سیز

فارس هله  یوخویدو  اوغوز  وار ایدی

كئچمیش  تاریخی‌ایله    باریشمالی‌سیز

یئنه‌ده        دویمورام      ایمك‌له‌ییرم

آیاغیمدا    كوندور   ،   قولومدا      قاندال

بابك   قئیرت‌لی‌لر !    ستار  ایزلی‌لر!

هارداسیز     باسیلیب      قفسه    قارتال

دیلینی     اونودان      ائلین      اونودار

آغاج      آغاجلیقدا      كؤكونو       دانمیر

هر     ائل اؤز    دیلینی    قورومالی‌دیر

بیزه كی    اؤزگه‌نین     اوره‌یی      یانمیر

آناسین   ایتیرمیش   اوشاغام   ایندی

یئنی‌دن       آناما       گؤتورون        منی

بوتاقدان  قیریلمیش تومورجوغام من

جوجه‌رمك    ایستیرم     بیتیرین

یعقوب حضرتی "وفا"

Dilimi kəsdilər danışmayam mən

Dilim- dilim” oldu danışdı dilim“

Azəri dilinə farsı qatdılar

Qundaqda öyrənən dili atdılar

Müftədəndə ucuz onu satdılar

Od tutdu ürəyim alışdı dilim

Dandılar anani kiçik uşaqlar

Evçinin gözünü oydu  qonaqlar

azəri- fazəri ” oldu qoçaqlar“

Yad dəyil, elimə tanışdır dilim

Qabanlar  versələrdə al  dilimə

Ellərim  diyəcək  ucal  dilimə

Duvarlar qanıdır  midal  dilimə

Şahlarla  duruşub  atışdı  dilim

”mersi ” gəldi köçüb getdi “çox sağol“ 

”caddə”ni  gətdilər işlənməsin “yol“

”körpü”lər  sınıldı düzəldilər “pol“

Yetmiş iki  dilə  qarışdı  dilim

Incədir tirmədən qələm daşlara

Etgi bağışlayır sözü daşlara

əyməyib başını yekə başlara

məzluma əl verib barışdı dilim

  tufarqan şayiri - yəqub həzrəti